Muqdisho,(insidesomalia.org)- Is risaasayn dhimasho sababtay ayaa waxa ay ka dhacday aga gaarka Kulyadii hore ee Jaale Siyaad ee Magaalada Muqdisho.

Is risaasayntan ayaa waxaa ay dhex martay Ciidamo ka tirsan kuwa Dowladda KMG ah ee Soomaaliya oo ku sugnaa qaybo ka mida Wadada dheer Warshadaha iyo kooxo wareer ku soo qaaday goob ay Ciidamada Dowladda Gaadiidka Wada mara Lacago uguqaadanayeen Ciidamdaasi ku qaadayeen lacago.

Ciidamada Dowladda ayaa waxaa ay subixii hore ee Fadhiistan wadada oo inta badan ay lacago uguqaataan Gaadiidka kala duwan ee B-Lka, islamarkaana isticmaala Wadada isku xirta Suuqa weyn ee Bakaraha iyo kulyadii hore ee Jaale Siyaad.

Labada dhinac ee isrisaasayntu dhexmartay ayaa waxaa ay isku adeegsadeen hubka nuucyadiisa fud fudud, waxaana halkaasi ku geeriyooday Askari ka tirsan Ciidamada Dowladda,sida ay xaqiijiyeen dadka deeganka.

Mudo daqiiqdo ka dib ayaa waxaa halkaasi isaga dhaqaaqay kooxihii weerarka soo qaaday, waxaana Ciidamada Dowladda iyana ay ka dhaqaaqeen goobtii ay lacagaha ku qaadanayeen oo markii danbe ku soo laabtay isu socodka dadka iyo gaadiidka iyo ganacsigii yar yaraa ee ka jiray agagaarka kulayadii Jaale Siyaad.

.